kaash tu hota

kash tu insan nhi koi khuda hota..
hazaro mandir hote tere na bas ek makan hota..
fir tujhe dekhne kahi na bhatakana padta..
k agar tu khuda hota to har jagah hi hota...
.
kash zindagi ka safar dharti pe nhi hawao me hota, ,
tu kabhi suraj toh kabhi chand ki panaho me sota..
fir to har saans k sath tere or karib aa jate..
k agar sab hawao me hota to tu b to hawao sa hota..
.
kash tu pani se bani koi boond hota..
main chat pe hr barsat aankhen moondhh sota..
fir toh duwao me bs umr bhar ka rona hi mangte..
k agar tu boondh hota to socho aansuo me kitna sakoon hota..
.
kash tu khali sa kagaz ya bhari koi kalam hota..
mere hathon, mere zazbaton me shamil hardam hota..
khub sochte magar chahkr b kuch na likh pate..
k agar kagaz hota to daag hota, kalam hota to tu khatam hota..
.
kash main dhoop to tu chaav hota..
tu marham to main koi ghaav hota..
mana k log hmesha mujhe koste..
magar jo b hota tu mujhse juda hota...
.
kash tu hota, jaisa bhi hota..
jo bhi hota, magar kash tu hota..

jis sadak se tum

Jis sadak se tum jate the ghar ki aur
Karta hai dil jab us rah pr gaur
.
Teri yaadein yun smaye mere andar
Bhar jaye jo koi khali samandar
Thik hai hum yaara jawab joothe hai
Manalo hme khudse hi ruthe hai.
.
Raat tasveer teri zinda ho jati hai
Sapno se nikal samne tu aati hai
Pad jab koi teeza aa jaye wha
Jane gayab ti ho jaye kha
.
Thode bikhre to, thode ikathe hai
Khawab sare mere na abhi toote hai
Thik hai hum yaara jawab joothe hai
Manalo hme khudse hi ruthe hai
.
Dil agar ho ja to bhi mai du tujhe
Marne ka bhi fir na gam ho mujhe
Aakhri saans me bhi krne milne ka vaada agar
Intzaar kru main tera umarbhar
.
Bol na paye unko, jinke ye kisse hai
Aashiqi k aandaz bhi yaara anuthey hai
Thik hai hum yaara jawab joothe hai
Manalo hme khudse hi ruthe hai.

jeena bhi kya

Jeena bhi kya tujhe yun chup chup ke dekhkar..
Sochte hai mar jaye kuch din na tujhe dekhkar...
.
Bas ek aarzoo h Teri kimat a mulaqat janne Ki..
Hume to ek sajda tak na mila sari saltanat bechkar..
.
Tanj mat kariyega Jo unko koi saza na Hui...
Krke qatal Wo aksar ho aate hai dargah a ajmer prr..
.
Dard hoga khoon hoga lekin fir bada sukoon hoga.
Sochte hai nikal le ek din is kambhakt dil ko khurechkar..
.
Main kehrha Hu na k Wo insan bahot acha hai..
Mat zachna uski bedardi hamare sher pr.
.

maa hogi

Khuda Ki zaroorat fir kise kha hogi
Agar har ghar me ek maa hogi..
.
Bin namaz h nazar khuda Ki tujhpe
Mehrbani nhi ye b usiki Dua hogi..
.
Khuda baitha h aarzo a tabahi lekar
Na Jane kb koi maa apne bache se khafa hogi
.
..krle maa bachpan me bache se kinara
Bhala Kisi jurm Ki bhi aisi saza hogi..
.
Saanson me aaj ajab sa sakoon hai.
Zaroor maa ko choo k guzri ye hawa hogi.

anath

Jab Patta jo girta hai kisi shakh se..
Hazar khwab toote h uski aankh se..

Wo samabhalne ko machalta hai..
Kuch der koshish krta hai..
Magar fir zamee par hi girta hai..
Use ummeed hai koi aayega..
Uska hath thaam use uthayega..
Aur wo fir hawa me lehrayega.,
Apnon k sath zindagi sajayega.,
Magar khudgaraz iss duniya ko..
Uski chot ka ehsas nhi hota..
Uske dard ka ehsas nhi hota..
Koi use thokar maar deta hai..
Toh koi pair niche dba deta hai..
Fir koi tez hawa ka jhoka
Use aisi jagah le jata hai..
Jahan se wo kbhi laut nhi pata hai..
Bas sabhi sapne tod wo ek hi sapna sajata hai..
K wo din kab aayega, wo hasi begam zindagi..,
Wo ghar wo pedh aakir kab jud payega us shakh se...
Aansu hi behte rehte hai uski aankh se..
Jab koi patta girta hai kisi shakh se..
Jab koi patta girta hai kisi shakh se..

ghar kaise jayenge

Iss hawa me agar aur ude to par katar jayenge..
Zara batao to hum parindey ab kaise ghar jayenge...
.
Kal raat to sek li Thi rotiya apni chath jalakrr..
Bhuke marte na Jane aaj kiska ghar jalenge...
.
Kahin majhab to kahi sarhad Ki hai bediya...
Bin laal kiye jism, us par kaise guzar payenge...
.
Ek lambe daur se guzar rahi h beraunak ye zindagi..
Khusi mile ya gam moti aankhon k bikhar jayenge..
.
Usse dooriyo ka itna aadi ho gya h dil..
Ab wo mile to khusi se mar jayenge..
.
Ho sake to hmesha sakti se pesh aana hum gustakh logon se..
Agar tumne zara b mohlat di to hum hadh se guzar jayenge.
.
Kehne lage h pagal ab log mujhe..
Lgta h ab to kuch Kr guzar jayenge.

sula rakha hai

Tujhe andhera kehkar aankhon ko Sula rakha hai..
Hmne teri yaadon ko sitaron sa saza rakha haii..
.
Maangte hi de diya tha hathon me hath usne...
Bas usi din se humne uska naam khuda rakha h.
.
Door sahar se b log humpar hasne aayee..
Jo kaha , k humne tumhe bhula rakha h...
.
Dil rootha h zuban se is baat ko lekar..
Maa ko humne apna haal acha bata rakha hai.
.
Mohabbat ne zindagi ko itna pechida bana rakha h.
Humne sau jooth bol kr ek sach chupa rakha h..
 

bajrangi bhaijaan

Hindustan ka har aadmi insan ho gya. 
kal jo Bajrangi tha aaj bhaijaan ho gya..
.
Duniya ko chor mohabbat ki khatir
Ek muslim Hindu or Hindu musalman ho gya...
.
Mahal walo ne parindon zitni b jagah nhi chori
Garib ne dali jhopdi to sehar me ghamasan ho gya..
.
Kai salon ki duwa ka b asar dikhai ni deta..
Lagta h mere yrr ko dekh maula beimaan ho gya..
.
majhabi neta se bda khush h rab mera
kehta tera kaam hogya, mera naam hogya.

jana pehchana ek chehra

Ajnabi tha sehar, ajnabi thi galiyan
Or hum dhund rhe the jana pehchana ek chehra.                                                                        
.                                                           
Andaje the khokhle, kamjor pde hosle
Mgr hum dhundte hi rhe jana pehchana ek chehra
.
Andhi thi meri mohabbat, khudaki hui rehmat
Jo mujhe dikh gya wo jana pehchana ek chehra
.
Shaam ka waqt tha, ranginiyat me madhmast tha
Magar sabse pyara mujhe lga wo jana pehchana ek chehra
.
Barso ki dua thi, har dua ki rja thi
Mujhe dekh muskaya wo jana pehchana ek chehra
.
Unse milne ki gurarish thi, batiyane ki khwaish thi
Jise qabul gya wo jana pehchana ek chehra
.
Raat chandni ka khumar tha, khatam barso ka hua intzar tha
Jo meri bahon me aa gya wo jana pehchana ek chehra
.
Nazro me utre aarman the, pehle se zyada beiman the
Itne paas aaya me wo jana pehchana ek chehra
.
Usme bhi mujhsi justaju thi, saanso se ki guftagu thi
Khudko mujhme sama gya wo jana pehchana ek chehra
.
Uske dikhne se aankhe pak hui, tabhi koi aawaz hui
Or aankho se ojhal ho gya wo jana pehchana ek chehra
.
Maine paya khudko rutha, mera sapna jo tuta
Nindo k sath hi chor gya wo jana pehchana ek chehra
.
Zindagi ko khawab dekar,hazaron jawab dekar
Khud smalon Sa ho gya wo jana pehchana ek chehra
.
Isi ummeed me bhatkte hai, isi maksad se jeete hai
Jane kha mil jaye wo jana pehchana ek chehra
.

Is zindagi me

Is zindagi me hone bhot kamal baki hain
Mere marne me abhi kuch saal baki hain
.
Apne husan ka dikha chuka h wo zohar sara
Mohabbat me hone abhi mere kamal baki hain
.
Samjhoton me hi beh gya mera lahu sara magar
Ladne ko kuch saanse filhaal baki hain
.
Kehdo andhere se suraj nigal na  itraye wo
Mere ghar abhi kuch masal baki hain
.
Jee bhar aaya magar aur bhi peene do
Bhulane ko kuch or purane khyal baki hain
.
Mohlat mile kuch to faisla badal dunga
Muqdme se jude mere kuch sawal baki hain
.
Kya bataye kaise beete h tum bin ye saal alewa
Ab k holi tak pichli holi k gulal baki hain

kisan gharko laut chale.

Jo simta ska sameta baki chod chale..
Oole padte hi kisan gharko laut chale.

kuch berehmi, kuch manmani aadtiyo ki
kuch masoom sawal bacho k hame tod chale

Garibi ne aisa mazboor kiya hai..
Bacho ki khatir hum Bache hi chod chale.

zindagi Kisko pyari nhi hoti
Humto muawje Ki khatir duniya chod chale.

Kuch bache to mere bachcho ko khila dena duniya walo
Humto Sabka pet bhar parivar ko bhukha chod chale

Na sarkar hmari na mousam hmara
Na zindagi hmari humto mout ki aur chale

Hmase sukhi Zameen b na dekhi gyi
Dilaase ki khatir aansuo ka selab chod chale

Waqt ne hosle ko dhua Kr hi Diya..
Hum sawan ki rassiyo k maksad tod chale.

jheel aasman se

Jheel aasman se koi aasman pe girai ho jaise...
Teri aankhon me kehkasa ki rosani smai ho jaise...
Tere mohalle me saase faqer hui hr rahgir ki..
Barsaaton ki mitti se khoosboo aayi ho jaise..
Sabne maangi kismat khuda se kumhar Ki..
Tu mitti Chand ki se bani surahi ho jaise....
Ek chehre me murat-a-ajanta h vadi-a-Kashmir bhi.
Ek fool ne sabhi bagichon Ki ranginiyat churai ho jaise..
H mithas-a-mishri mehak-a-gulab nasha-a-sharab si...
Teri hr baat khud pariyon ne mujhse sunai ho jaise..
Ek muskurahat tamam shehar khaak Kr gyi...
Kisine Maut-a-shensha Ki afwah udayi ho jaise..
H lapat-a-aag, Chand koi bedaag, makhmalli behisaab
Jism pe kai sitaro Ki daulat lutai ho jaise.....

kabhi main sochu

Kabhi main sochu..
Kabhi main sochu k ho kbhi toh aisa..
Tu Jo bhi soche wo ho mujh jaisa..
Kabhi main sochu..
..
Banake khudko main tujhsa seeson se pyar kru.,
Kehke lamha aane wala hr lamha Tera intzar kru,
Beete Jo umr bekhabar..
Bechain ho sab besabar..
Fir Jo aaye wo lamha to use main saal kru.
Kabhi main sochu k aisa koi Kamal kru..
Jis lamhe ho Tu use main saal kru..
Kabhi main sochu..
Kabhi main sochu Jo bahaye sab wo hawa ban jau...
Ek dua maang khuda m khud khuda ban jau..
Meri saans bas teri khusboo ko khiche.,
Tere sajdo se mehke meri aankhon k bagiche..
Na zikr ho koi, na fikr ho koi..
Tu rhe aas pass or na koi aage piche..
Kabhi main sochu k taqdeer koi toh aisi tasveer khiche..
M ho tere itne pass tu mujhe dekhne ko aankh miche..
Kabhi main sochu..
Kabhi main sochu jism mera ye barf ban jaye..
Ye jo teri aanch paye to pigal pigal jaye...
Ho jaye sab pani pani.
Main tum sab kuch pani
Na bas ho mera na tera..
Behta hi jaye ye kre manmani..
Kabhi main sochu k bane ek aisi kahani
Ho jaye sab bas pani pani..
Kabhi main sochu..
Kabhi main sochu duniya ki hr cheez me tujhko milau..
Nazar dekhe jise bhi use tujhse hi pau..
Hr patta patta hr dali dali, .
Raat Andheri subhoshaam ki laali.
Tu hi meri aankhon ka kajal.
Bhigoye mujhe banke badal.
Kabhi main sochu duniya ki hr cheez me tujhko milau..
Ya iss duniya ko hi tujhme samaun..
Kabhi main sochu kuch aisa kr jau..
Main jo bhi pau usme tujhe hi pau.
Kabhi main sochu..
Kabhi main sochu

suicide

Let me fly, let me fly
in the sky, let me fly
from the peak of mountain
through the thoughts fountain
to the core of well
no matter, i got heaven or hell
i just wanna do suicide
i am feeling like hell inside
in these last moments of my life
i wanna talk to my wife
but it, s impossible, she was
gone
on death path, now i am alone
after losing my love, my fame
i am feeling alot of shame
this give me enough guts to take this decision
now i wanna free my soul from painy body prison
i am feeling like hell inside
now i just wanna do suicide
a sweet good bye for those, who feed me in hunger
for those who hate me, i have middle finger
life is soooo much beautiful, i know
but how much my life fucks me, you don, t know
i did lot of hard work, i never stop trying
but my luck never shine, n m not lying
you can trust me, as i am dying
let me die let me die
now i am gonna commit suicide
i am feeling like hell inside...